Дзень ведаў
Традыцыйная лінейка, прысвечаная Дню ведаў, сёлета прайшла ў гімназіі асабліва ўрачыста. Гімназіі 50 год!!!
Адкрыла свята начальнік аддзела ідэалагічнай работы, культуры і па справах моладзі адміністрацыі Савецкага раёна г.Гомеля Гардзейчык Святлана Аляксандраўна, якая звярнулася з віншаваннямі да вучняў гімназіі. Вельмі кранальнымі былі выступленн першых вучняў гімназіі, якія селі за парты ў 1972 годзе. У іх прамове, як і ў прамове былога дырэктара гімназіі Цыганок Таццяна Антонаўна, якая аддала ёй 26 гадоў, гучала галоўнае пажаданне - захоўваючы лепшыя традыцыі, захоўваючы памяць аб мінулым, упэўнена і трыумфальна рухацца наперад. Са святочнай прамовай і пажаданнем поспехаў дзецям, бацькам і работнікам гімназіі традыцыйна выступіла дырэктар гімназіі Круталевіч Вікторыя Аляксандраўна. Гучалі вершы, песні і музыка. Аб пачатку новага навучальнага года абвясціў доўгачаканы школьны званок. У гэтым годзе яго давалі вучань 11-га класа Хоміч Раман і вучаніца 1-га класа Ромаш Марыя.
<style type="text/css">img { margin: 5px; } </style>
І кранальныя першакласнікі, і такія дарослыя выпускнікі надоўга запомняць гэты сонечны восеньскі дзень. Мы віншуем усіх з гэтым выдатным днём. Добрага шляху вам! Добрага шляху ўсім, для каго 1 верасня пяцідзесяцігадовай гімназіі свята. Свята, якое заўсёды з намі!
Глядзіце таксама:
День знаний в Гомеле полвека назад: «Захожу в класс, а там весь мой двор»
