50-гадовы юбілей гімназіі!
50-гадовы юбілей гімназіі - гэта свята для работнікаў, для ўсіх, хто быў і з’яўляецца вучнем, для бацькоў, дзеці якіх навучаюцца сёння.
Дзень 3 лістапада стаў для гімназіі N36 г. Гомеля імя І.Мележа асаблівым. Днём, калі ўспаміналі гісторыю, ушаноўвалі традыцыі.
Намеснік старшыні Гомельскага гарвыканкама Алексіна Алена Іванаўна, начальнік упраўлення адукацыі Гомельскага гарвыканкама Амінава Святлана Іванаўна са сцэны адрасавалі словы віншавання ўстанове адукацыі, педагогам, ветэранам, бацькам, вучням, уручалі граматы супрацоўнікам гімназіі. Дырэктар установы Круталевіч Вікторыя Аляксандраўна звярнулася да ўсіх прысутных са словамі падзякі. Шчырыя словы гучалі ў адрас ветэранаў працы, для якіх педагогі і вучні гімназіі падрыхтавалі памятныя сувеніры.
“Шчырасць, дабрыня, сумленнасць”. Менавіта пад такім дэвізам адбыўся святочны канцэрт. Педагогі, вучні, выпускнікі захоўваюць традыцыі гімназіі, з надзеяй глядзяць у будучыню.
Глядзіце фота ў фармаце слайд-шоў
