Рэспубліканскі суботнік праходзіць у Беларусі
Да суботніка гатовы, заўсёды гатовы!
Рэспубліканскі суботнік у гэтым годзе прызначаны на 22 красавіка!
У суботніку прымуць удзел каля 3 млн. беларусаў. У гэты дзень беларусы будуць добраўпарадкоўваць і прыводзіць у належны стан аб'екты і тэрыторыі населеных пунктаў, гісторыка-культурныя каштоўнасці, мемарыяльныя комплексы, месцы баявой і воінскай славы, пахаванні воінаў і партызан часоў Вялікай Айчыннай вайны.
Таксама суботнік можа быць праведзены на працоўных месцах.
Маштабны працоўны дэсант будзе працаваць на мемарыяле вязням Азарыцкага лагера смерці ў Калінкавіцкім раёне. Яшчэ адным пунктам аб'ёмных работ стане тэрыторыя Гомельскага палацава-паркавага ансамбля. У парадак у тым ліку будуць прыводзіць набярэжную Сожа, якая апынулася цяперашняй увесну ва ўладзе паводкі.
