У святочны дзень гімназію наведалі ветэраны педагагічнай працы
Самыя мудрыя, вопытныя, родныя і любімыя настаўнікі, якія аддалі ў свой час гімназіі значную частку свайго жыцця.
Алена Аляксееўна, дырэктар гімназіі, звярнулася да гасцей са словамі асаблівай павагі і павіншавала з надыходзячым святам!
Таццяна Антонаўна Цыганок, дырэктар гімназіі з 1981 па 2003 год, вельмі кранальна прадставіла кожнага свайго педагога. Менавіта пад кіраўніцтвам Таццяны Антонаўны быў абраны галоўны вектар развіцця ўстановы - выхаванне праз адраджэнне нацыянальнай самасвядомасці, каштоўнасцей беларускага народа і захаванне беларускай мовы. У 1996 годзе яе намаганнямі 36 школа была пераўтворана ў Беларуска-славянскую гімназію.
Жадаем ветэранам педагагічнай працы моцнага здароўя, заўсёды памятаць кранальныя моманты сваёй працоўнай дзейнасці і заставацца ў сэрцах сваіх удзячных вучняў і калег!
#гімназія36гомель
#МыРазам
#дзякуй_настаунік
