Фінальны тур IV сусветнага конкурсу "Мост кітайскай мовы"
6 чэрвеня 2024 года ў ДУА "Гімназія з беларускай мовай навучання №23 г. Мінска" прайшоў фінальны тур IV сусветнага конкурсу "Мост кітайскай мовы" сярод навучэнцаў малодшых класаў устаноў агульнай сярэдняй адукацыі Рэспублікі Беларусь.
Сёлета ў гэтым конкурсе прынялі ўдзел 98 хлопчыкаў і дзяўчынак малодшых класаў з розных устаноў адукацыі краіны. Для ўдзелу ў фінальным туры было адабрана 15 удзельнікаў, наша вучанiца Пашэчка Соф'я адна з іх.
У Беларусі конкурс для школьнікаў ва ўзросце да 12 гадоў праводзіцца другі раз і другі раз Соф'я паспяхова праходзіць адборачны этап і выходзіць у фінал!
Для даведкі: З моманту правядзення першага конкурсу "Мост кітайскай мовы" ў 2002 годзе ў ім прыняло ўдзел больш за 1,5 мільёна навучэнцаў і студэнтаў з больш чым 150 краін. За гэты час у Беларусі таксама былі паспяхова арганізаваны 22 конкурсы для студэнтаў, 16 конкурсаў для дзяцей ва ўзросце ад 12 да 18 гадоў і 2 конкурсы па кітайскай мове для дзяцей ва ўзросце да 12 гадоў.
