Традыцыйная жнівеньская педагагічная канферэнцыя, якая прайшла ў Гомелі - гэта вялікая святочная педагагічная рада, якая дала магчымасць падвесці вынікі мінулага навучальнага года, абмеркаваць, прааналізаваць наспелыя праблемы, вызначыць шляхі іх вырашэння, намеціць перспектывы далейшага развіцця сістэмы адукацыі горада з мэтай рэалізацыі задач Года якасці.
Падчас канферэнцыі былі ўручаны высокія ўзнагароды, якія з'явіліся своеасаблівымі знакамі якасці.

З рук Уладзіміра Аляксандравіча Прывалава, старшыні Гомельскага гарадскога выканаўчага камітэта, высокія ўзнагароды атрымалі педагогі гімназіі Лявоненка Вольга Леанідаўна, Шульжэнка Людміла Аляксандраўна, Гінер Таццяна Генадзьеўна і Магонава Таццяна Віктараўна.
Віншуем педагагічных работнікаў з высокай адзнакай!

Жадаем гімназіі і педагагічнаму калектыву плённай працы і высокіх вынікаў на карысць установы, горада, краіны!❤️