Вучэбна-практычны цэнтр па энергазберажэнні ДУА “Гомельскі абласны ліцэй”.
З 18 па 22 кастрычніка вучні 5 класаў наведалі вучэбна-практычны цэнтр па энергазберажэнні ДУА “Гомельскі абласны ліцэй”.
Дзецям расказалі пра тое, як людзі са старажытнасці і да сённяшняга дня здабывалі і выкарыстоўвалі энергію святла, вады, цеплавую энергію ў побыце. Гімназісты даведаліся аб практычных навыках па эканомным расходаванні паліўна-энергетычных рэсурсаў і вады, пазнаёміліся з электрастанцыямі Беларусі. У навучальным цэнтры знаходзіцца больш за 200 экспанатаў, макетаў, прыбораў: ад першай штучнай пераноснай крыніцы святла – паходні да сучаснай энергазберагальнай лямпачкі. Вучні захоплена разглядалі экспанаты музея, задавалі пытанні па тэматыцы музея.
Заняткі былі пазнавальнымі і цікавымі. Дзеці атрымалі веды аб гісторыі электрычнасці і навучыліся асновам энергазберажэння.
