Сёння ў 9Б адбыўся асаблівы, цёплы і вельмі адказны момант — развітальная класная гадзіна
Сёння ў 9Б адбыўся асаблівы, цёплы і вельмі адказны момант — развітальная класная гадзіна
Пяць гадоў разам — гэта не проста лічба. Гэта сотні ўрокаў, тысячы жартаў, мільёны эмоцый! Сёння выпускнікі:
гулялі ў віктарыну з пытаннямі пра жыццё гімназіі (і, як заўсёды, хтосьці памятаў нават тое, што ўсе забылі),
глядзелі відэа з хайлайтамі за сярэднія класы— ад маленькіх пяціклашак да амаль дарослых дзяцей,
атрымлівалі ўзнагароды — класны кіраўнік ўручала кожнаму індывідуальную грамату (бо кожны ў гэтым класе — лепшы ў чымсьці сваім!),
дзяліліся ўспамінамі — смяяліся, хваляваліся і нават крыху сумавалі.
А яшчэ клас разам паклаў кветкі каля Вечнага агню ў знак памяці пра Вялікую Перамогу. Гэта быў кранальны момант — адчуць сувязь пакаленняў і ўспомніць, што мір і магчымасці, якія мы маем сёння, — гэта дар, за які трэба быць удзячным.
Дзякуй, 9Б, за гэтыя гады! Вы — неймаверныя, і ўсё самае цікавае яшчэ наперадзе.
