Візіт паважаных гасцей з Магнітагорска
Сёння ў гімназіі 36 г.Гомеля адбылася асаблівая падзея — з візітам завіталі паважаныя госці з Магнітагорска. Дэлегацыю суправаджалі начальнік упраўлення адукацыі Гомельскага гарвыканкама Светлана Іванаўна Амінава і загадчыца сектара выхаваўчай работы Марына Аляксандраўна Лосева.
Паводле беларускай традыцыі гасцей сустрэлі хлебам і соллю.
Для іх была арганізавана экскурсія ў музей братоў Лізюковых, дзе, акрамя знаёмства з экспазіцыяй, Алена Аляксееўна Бярыдзэ расказала пра дзейнасць моладзевых аб’яднанняў Рэспублікі Беларусь.
Падчас візіту госці пакінулі свой след на «Дрэве сяброўства» ў гімназіі, што стала сімвалам узаемнай павагі і супрацоўніцтва. Завяршылася сустрэча абменам памятнымі падарункамі, якія будуць нагадваць пра цёплую і шчырую атмасферу гэтага дня.
