Дзень сяброўства ў гімназіі
Сёння ў гімназіі прайшоў Дзень дружбы. Паводле даўняй традыцыі навучэнцы і педагогі сустракалі паважаных гасцей з Расійскай Федэрацыі — з гарадоў Анапы, Самары, Клінцоў і Одинцова
Гасцей віталі хлебам і соллю, а таксама народнымі песнямі, што стала сімвалам гасціннасці і сяброўства. Атмасфера свята была напоўнена цеплынёй, узаемнай павагай і жаданнем умацоўваць культурныя сувязі паміж нашымі народамі.
Педагог‑псіхолаг Таццяна Віктараўна правяла трэнінг на знаёмства, што дапамагло стварыць атмасферу адкрытасці і даверу
Намеснік дырэктара па выхаваўчай рабоце Алена Анатольеўна арганізавала інтэрактыўную гульню «Што? Дзе? Калі?», якая стала сапраўдным выпрабаваннем кемлівасці і каманднага духу
Свята пакінула ў сэрцах удзельнікаў цёплыя ўражанні і стала яшчэ адным крокам да ўмацавання сяброўскіх сувязяў паміж гімназіяй і гасцямі з розных гарадоў Расіі.
