Падарожжа ў свет ведаў і святаў
Падарожжа ў свет ведаў і святаў
▶️Сёння вучні гімназіі наведалі Гомельскі дзяржаўны ўніверсітэт імя Ф. Скарыны. Для іх была падрыхтавана насычаная і незвычайная праграма, якая аб’яднала навагодняе свята і знаёмства з універсітэцкім жыццём.
Навагодняя праграма
✅Дзецей сустракалі Дзед Мароз і Снягурка, якія стварылі сапраўдную атмасферу чараўніцтва. Вучні ўдзельнічалі ў гульнях, конкурсах і атрымалі шмат пазітыўных эмоцый. Святочная праграма падарыла ўсім адчуванне набліжэння Новага года і веру ў цуды.
Экскурсія на біялагічны факультэт
✅Асаблівым момантам стала экскурсія на біялагічны факультэт. Гімназісты пазнаёміліся з аўдыторыямі і лабараторыямі, даведаліся пра сучасныя даследаванні і магчымасці, якія адкрываюцца перад студэнтамі. Гэтая сустрэча дапамагла школьнікам пашырыць кругагляд і задумацца пра будучыя прафесійныя шляхі.
