Эстафета добрых спраў: валанцёры атрада «ДАР» навялі парадак ля помніка воінам-інтэрнацыяналістам
Эстафета добрых спраў: валанцёры атрада «ДАР» навялі парадак ля помніка воінам-інтэрнацыяналістам
✅Сёння члены валанцёрскага атрада «ДАР», актывісты ГА «БРСМ» нашай гімназіі, далучыліся да дабрачыннай акцыі па ачыстцы ад снегу памятных месцаў. Маладыя людзі арганізавалі прыборку тэрыторыі каля помніка воінам-інтэрнацыяналістам.
✅Зімовае надвор'е прынесла шмат ападкаў, таму дапамога моладзі аказалася вельмі своечасовай. Узброіўшыся рыдлёўкамі, навучэнцы дружна ачысцілі ад снегу і лёду падыходы да мемарыяла і цэнтральную пляцоўку каля помніка.
✅Для нашых валанцёраў гэта не проста праца, а даніна павагі і памяці землякам, якія выконвалі свой інтэрнацыянальны абавязак. Удзел у такіх акцыях выхоўвае ў падрастаючага пакалення адказнасць, патрыятызм і беражлівыя адносіны да гісторыі сваёй малой радзімы.
Мы ганарымся нашымі хлопцамі і дзяўчатамі, якія сваімі справамі пацвярджаюць: памяць жыве ў нашых сэрцах!
