40 гімназістаў уступілі ў рады БРПА
2 красавіка адзначаецца Дзень народаў Расіі і Беларусі, брацкіх і найбольш блізкіх па духу і менталітэту дзяржаў, у якіх адна гісторыя. На ўзаемаразуменні, падтрымцы, згуртаванасці, на фарміраванні ўнікальнай культурнай прасторы будуюцца ўзаемаадносіны ў Расіі і Беларусі.
Эпіграфам да ўрока паслужылі словы Прэзідэнта А.Г. Лукашэнка: "Адзінства нашых брацкіх народаў сфарміравалі агульныя культура, светапоглядныя каштоўнасці і гісторыя, якую мы свята захоўваем і засцерагаем".
"Чаму ж расіяне і беларусы - брацкія народы?" - на гэтую тэму паразважалі гімназісты і прыйшлі да высновы, што брацкія народы заўсёды дапамагалі ў цяжкую хвіліну, разам абаранялі свабоду і незалежнасць, плячом да пляча змагаліся з ворагам і рука аб руку працавалі дзеля росквіту і дабрабыту нашых краін.
У гэты светлы для народа Расіі і Беларусі дзень 40 гімназістаў уступілі ў рады БРПА.
