Урачыстае прыняцце ў шэрагі акцябрят і піянераў!
Урачыстае прыняцце ў шэрагі акцябрят і піянераў!
Напярэдадні Дня піянерскага сяброўства адбылася
знакавая падзея – урачыстае прыняцце вучняў нашай гімназіі у акцябрята і піянеры. Сёння хлопцы і дзяўчынкі сталі часткай вялікай і дружнай каманды, якая працягвае традыцыі добрых спраў і вернасці піянерскім ідэалам.
Наперадзе – новыя справы, цікавыя сустрэчы, карысныя ініцыятывы, якія дапамогуць выхоўваць у моладзі пачуццё адказнасці, павагі і добразычлівасці. Гэта свята яшчэ раз паказала: быць акцябрятам і піянерам – значыць несці святло ведаў, працавітасці і сапраўднага сяброўства!
Сённяшні дзень стаў для юных акцябрат і піянераў незабыўным, напоўненым яркімі эмоцыямі і новымі уражаннямі.
У межах святочнага мерапрыемства, прысвечанага Дню піянерскага сяброўства, дзеці наведалі інтэрактыўную выставу Беларускай рэспубліканскай піянерскай арганізацыі, дзе змаглі акунуцца ў гісторыю і традыцыі піянерскага руху, пазнаёміцца з яго дасягненнямі і паспрабаваць сябе ў розных творчых і займальных актыўнасцях.
Пасля актыўнага ўдзелу ў гульнях і навучальных пляцоўках, юныя піянеры і акцябраты адправіліся на ўрачысты канцэрт. Са сцэны гучалі натхняльныя словы, напоўненыя патрыятычным духам, а музычныя і танцавальныя нумары надавалі атмасферы асаблівую цеплыню і энергію.
