Нашы юныя даследчыкі з летняга лагера «Smart» атрымалі ўнікальную магчымасць пагрузіцца ў таямніцы птушынага жыцця! Мы наведалі захапляльны майстар-клас, прысвечаны гнездавой біялогіі птушак!

Старэйшы выкладчык біялагічнага факультэта ГГУ Скарыны Ірына Вітальеўна Курачэнка з першых хвілін здолела захапіць увагу кожнага дзіцяці, ператварыўшы складаную навуку ў займальнае апавяданне. Яна падрабязна расказала і наглядна паказала нам, як птушкі пражываюць свой год, ахапіўшы ўсе ключавыя моманты іх жыццёвага цыкла:

як даглядаюць адзін за адным ;
як будуюць гнёзды;
як клапоцяцца аб нашчадстве і паднімаюць птушанят на крыло .

Таксама Ірына Вітальеўна патлумачыла, ад чаго залежыць афарбоўка яек і як вызначыць стадыю наседжанасці яйка .

Наведванне такога майстар-класа – гэта не проста ўрокі, а сапраўдная прыгода, якая прывівае любоў і павагу да прыроды , разуменне яе крохкасці і ўзаемасувязі!