Інклюзія ў дзеянні: у Гомелі адкрылася пляцоўка для асаблівых дзяцей
Інклюзія ў дзеянні: у Гомелі адкрылася пляцоўка для асаблівых дзяцей
У Гомельскім гарадскім цэнтры карэкцыйна-развіваючага навучання і рэабілітацыі адбылася важная падзея — адкрыццё першай у горадзе інклюзіўнай пляцоўкі для дзяцей з асаблівасцямі развіцця. Гэта шматфункцыянальная прастора стала сапраўдным падарункам да Дня маці і сімвалам клопату, падтрымкі і роўных магчымасцей.
Урачыстасць сабрала выхаванцаў цэнтра, іх бацькоў, педагогаў і гасцей. Асаблівую ролю ў падрыхтоўцы і адкрыцці пляцоўкі адыгралі педагогі гімназіі Сядая Вікторыя Ігараўна, Гінчук Таццяна Уладзіміраўна і Грозная Наталля Дзмітрыеўна, якія з энтузіязмам далучыліся да ініцыятывы, падтрымаўшы ідэю інклюзіўнага асяроддзя.
У цэнтры дзейнічае дашкольная група, у якой навучаюцца 38 дзяцей, а карэкцыйна-педагагічную дапамогу атрымліваюць больш за 150 выхаванцаў. Як каардынатар спецыяльнай адукацыі ў Гомелі, ЦКРОіР штогод прымае больш за 8000 маленькіх гараджан.
