08.11.2025 лагер "Сузор'е"
Сёння ў лагеры адбылося ўрачыстае закрыццё змены.
Дзень быў насычаны цікавымі падзеямі і пакінуў шмат яркіх уражанняў.
Раніцай дзеці наведалі Курган Славы ў парку Фестывальным, дзе ўшанавалі памяць герояў і адчулі гонар за сваю гісторыю.
У кіназале гімназіі адбыўся прагляд фільма «Паласа перашкод», які захапіў усіх сваёй дынамікай і сюжэтам.
Асабліва актыўна хлопчыкі і дзяўчынкі ўдзельнічалі ў гульні-спаборніцтве «Здароўе — багацце на ўсе часы», дзе змагаліся ў кемлівасці, спрыце і ведах пра здаровы лад жыцця.
Пасля абеду прайшла конкурсная праграма па правілах дарожнага руху, якая дапамагла дзецям замацаваць важныя веды ў гульнявой форме.
Завяршэннем дня стаў конкурс малюнкаў на тэму здароўя, дзе кожны змог выказаць свае думкі і фантазію праз творчасць.
Лагеравая змена скончылася, але ўспаміны пра сяброўства, новыя веды і вясёлыя прыгоды яшчэ доўга будуць саграваць сэрцы дзяцей.
