30.12.2025 «Сузор’е»: дзень правілаў, хуткасці і кніг!
30.12.2025 «Сузор’е»: дзень правілаў, хуткасці і кніг!
Сябры, наш сённяшні дзень у лагеры «Сузор’е» быў надзвычай насычаным і карысным!
Раніца пачалася з бадзёрай зарадкі, каб прачнуцца і зарадзіцца энергіяй.
Бяспека — асноўнае! Да нас прыйшлі госці:
▪️ Ратавальнікі АСВОД расказалі, як трэба сябе весці каля вады і на лёдзе.
▪️ Інспектар ДАІ нагадаў правілы дарожнага руху, а таксама правы і абавязкі пешаходаў.
Прагулка падарыла мора эмоцый! Снег зіхацеў на сонцы, і вучні паспелі наляпіць не адзін снежак.
Спартыўны азарт!Адбыліся вясёлыя эстафеты паміж атрадамі. Было горача, нягледзячы на снег за акном! Усе змагаліся за перамогу і падтрымлівалі адзін аднаго.
Пакуль першы атрад адпачываў, другі адправіўся ў захапляльнае падарожжа — у філіял №2 сеткі публічных бібліятэк Гомеля. Дзеці пагрузіліся ў гісторыю і культуру на інтэрактыўнай экскурсіі «Вяртанне да вытокаў». Гэта было пазнавальна і вельмі цікава!
Вось такі разнастайны і яркі дзень за плячыма!
