Чараўніцтва ў сценах Гомельскай бібліятэкі
Чараўніцтва ў сценах Гомельскай бібліятэкі
Цэнтральная гарадская бібліятэка імя А. І. Герцэна на некалькі гадзін ператварылася ў прастору сапраўдных чараўнікоў і даследчыкаў таямніц. Вучні акунуліся ў інтэлектуальную гульню, натхнёную творамі Дж. К. Роўлінг, дзе іх чакалі загадкі, пытанні і творчыя выпрабаванні. Удзельнікі праяўлялі кемлівасць, логіку і ўменне працаваць у камандзе, спрабуючы разгадаць чароўныя падказкі і знайсці шлях да перамогі.
Атмасфера мерапрыемства была насычана духам фантазіі: тэматычныя ўпрыгожанні, музыка і яркія вобразы ўдзельнікаў стваралі адчуванне, што казка ажывае проста перад вачыма. Бібліятэка стала месцам, дзе творчасць і веды аб’ядналіся, падарыўшы школьнікам незабыўныя эмоцыі, новыя адкрыцці і сапраўднае адчуванне чараўніцтва
